Mga Hebreo 9:18-20

Ang Bagong Tipan: Filipino Standard Version

¹⁸ Maging ang unang tipan ay hindi pinagtibay nang walang dugo. ¹⁹ Sapagkat ^(A) pagkatapos sabihin ni Moises sa buong bayan ang lahat ng sinasabi ng Kautusan na dapat nilang gawin, kumuha siya ng dugo ng baka at ng mga kambing, na may tubig at gamit ang mapulang balahibo at isopo ay winisikan niya ang aklat at ang buong bayan. ²⁰ Kasabay nito ay kanyang sinabi, “Ito ang dugo ng tipan na ipinag-utos ng Diyos sa inyo.”